انا عجبنى جدا جدا فكره مشروع (غير المحطة) لأنه مش من المنطقى أن كل المدونيين بيتكلموا بس عن المشاكل.. عن مصر البايظه والفساد اللى معشش فى حكامها والزيف اللى غرقانه فيه مؤسستها.. عن السجون، والمعتقلات، والدولة البوليسية اللى احنا طالع عنينا منها. المدونة بتاعتى لما قولت انى حبدأها على الرغم انى بدّون فى مدونة إطلالة من فتره كبيره، كنت حابب جدا انى اخليها مدونة للاحاسيس، المشاعر، ان كل ادراجه فيها ممكن اى حد يحس انها بتاعتو من غير ما ادخله لا فى سياسة ولا سواد، هو اه ممكن نتطرق للمواضيع دى لما يكون فى حاجات تستحق لكن حكاية عمال على بطال دى انا كارهها، وهو ده نفس السبب اللى بيخلينى اقول لكل المدونين فى كل حته لااااااااااااازم نغير المحطة، مصر وكمان احنا أكيد عندنا حاجات كتيييييييير حلوه.